Баулы прокуратурасы ике баланы талаган хаскины тартып алуны таләп итте

Этнең йорт хайваннарының җәмәгать урыннарындагы була торган кагыйдәләрне бозып асраганлыгы ачыкланган. Эт бәйдә булган, әмма чылбыр озынлыгы аңа урамга кадәр җәяүлеләр зонасына чыгарга мөмкинлек биргән. Хуҗасы, хайванның агрессив булуына карамастан, әйләнә-тирәдәгеләр өчен иминлек чаралары күрмәгән.

Эт тешләүнең беренче очрагы 2026 елның 29 маенда була: хаски 2016 елгы кызга ташлана, аның башын һәм маңгай өлешен яралый. Инде 31 майда, булган хәлгә карамастан, хатын – кыз этне яңадан җәмәгать урынына йөрергә алып чыга, анда икенче очрак була – эт 12 яшьлек кызның уң кулын тешләгән.

Кешеләр иминлегенә куркыныч тудыру сәбәпле, прокуратура этне тартып алу турындагы дәгъва белән судка мөрәҗәгать иткән. Прокурор үтенече буенча тәэмин итү чаралары күрелә – эт тартып алына һәм вакытлыча хайваннар өчен приютка урнаштырыла. Шулай ук зыян күргән балалар мәнфәгатьләрендә прокуратура хуҗасыннан мораль зыян компенсациясен түләтү турында дәгъвалар биргән.

Тешләү фактлары турындагы материаллар эчке эшләр органнарына административ яки җинаять эше кузгату турындагы мәсьәләне хәл итү өчен җибәрелгән. Йорт хайваннарын тоту кагыйдәләрен бозганга хатын-кызны җаваплылыкка тарту өчен өстәмә мәгълъмат баш ветеринария идарәсенә дә тапшырылган.

Тикшерү барышында хуҗа кешедә видеокамералар урнаштырылган күзлекләр табу аерым игътибарны җәлеп иткән. Күрсәтелгән җайланмалар алынган һәм алардагы мәгълүмат техник тикшерүгә җибәрелгән. РФ Җинаять кодексының 138.1 маддәсендә каралган җинаять составы билгеләре расланган очракта (мәгълүматны яшерен алу өчен билгеләнгән махсус техник чараларны законсыз сатып алу һәм куллану) җинаять эше кузгатылырга мөмкин.