Баулылы танышын кыйнаган

Полиция хезмәткәрләре Баулыда яшәүче 25 яшьлек егетне танышын кыйнаган өчен тоткарлаган. Егет Яр Чаллы шәһәрендәге хостелда Сарапулдан килгән 53 яшьлек ир-ат белән исерткеч эчеп утырган. Дустанә аралашу низагка барып җиткән. Баулы егете ир-атка йодрыклары белән ташланган. Сарапул кешесе җитди җәрәхәтләр алган. Медиклар аны җирле хастаханәгә алып киткән. Ир-атның сул күзенә, битенә зыян килгән, берничә кабыргасы сынган.

Тоткарланучы егеткә карата “Аңлы рәвештә сәламәтлеккә авыр зыян китерү” маддәсе буенча җинаять эше ачылган. Баулылыга сигез елга кадәр иректән мәхрүм итү яный, дип хәбәр итә Татарстан эчке эшләр министрлыгы матбугат хезмәте.

Фото: pixabay.com