Баулыларны машина йөртү хокукыннан мәхрүм итәләр

Р.Валитов, В.Санников, Д.Имаметдинов, Р.Ешмурзинов, Р.Иполитов һәм И.Тангатаров, автомобильне айнык булмаган килеш йөрткән өчен, 18 айга транспорт чарасын йөртү хокукыннан мәхрүм итү рәвешендәге административ җаваплылыкка тартылган. Шулай ук аларга 45 мең сум күләмендә административ штраф та салынган.

Мондый чаралар юлларда иминлекне арттыруга һәм исерек хәлдә машина йөртү белән бәйле фаҗигаләрне булдырмауга юнәлдерелгән.

Баулы дәүләт автоинспекциясе шуны искәртә: исерек килеш автомобиль белән идарә итү машина йөртүченең генә түгел, ә юл хәрәкәтендә катнашучы җәяүлеләр, пассажирлар һәм башка автомобильчеләрнең дә гомерен куркыныч астына куя. Хәтта аз гына алкоголь дә реакцияне киметә һәм мондый “сәфәр”нең бәясе төзәтеп булмаслык югары булырга мөмкин.

Фото: татар-информ