Күңел дәфтәре
Укучыларыбыз иҗаты
Сезгә Новозареченск бистәсеннән Роза Шәфигуллинаның шигырен тәкъдим итәбез
Хәтеремнең иң түрендә
Әниемнең яп-яшь чагы.
Пар чиләкле көянтәсен
Иңнәренә салган тагы.
Кайтуына балалары
Төрле яклап сырып алган.
Әткәй шушы күренешкә
Сокланудан тынып калган...
Итәк тулы бала-чага!
Дөнья яме, тормыш тәме.
Гомерләрнең чәчәк аткан
Мәнге үтмәс гамьсез мәле...
... Әткәй дә юк инде күптән,
Әнкәй дә 80гә җиткән.
Хәтердәге шушы мизгел
Һич кенә дә чыкмый истән...
Фото: pixabay.com
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев