Йөгерешчеләргә – яшел урам

Баулыда йөгерү көне иртәнге сәгать 9да "Нефтьче" стадионында башлана. Анда укучылар йөгерә. Калган катнашучыларга старт шәһәрнең төньяк-көнбатыш өлешендә "Иволга" стадионы янында бирелә. Катнашучылар, 5 чакырм дистанция үтеп, "Нефтьче" стадионындагы финишка килә.
Бу көнне автомобильчеләргә хәрәкәт маршрутларын алдан ук планлаштырырга киңәш ителә, чөнки 9-11 сәгатьләрдә түбәндәге урамнарда юллар ябылып торачак: Нефтьчеләр проспектында, Зиновьев, Урман хуҗалыгы урамнарында, өлешчә - Энгельс, Ленин, Гоголь урамнарында.

Автор Кадрия Гыймазова