Исергәптә авыл бәйрәме

Бүген бай тарихы булган Исергәптә авыл бәйрәменә җыелдылар. Башкортстан республикасыннан килгән артистларга кушылып үзешчәннәр рәхәтләнеп ял итте.

Авыл бәйрәме җыр-моң, котлауларга бай булды. Бәйрәмгә җыелган авыл халкын район башкарма комитеты җитәкчесенең инфраструктура үсеше буенча урынбасары Ринат Сәфиуллин тәбрик итте, авыл җирлеге башлыгы Айдар Әһлиуллин котлау сүзләрен җиткерде.

Авылның иң өлкән, иң кечкенә һәм актив кешеләре бүләкләнде.

Шулай ук "Ак калфак" татар хатын-кызларының җирле бүлекчәсе рәисе Рүзилә Әбүзарова матур сүзләрен җиткерде.

Бу хакта тулырак "Хезмәткә дан" газетасы битләрендә укырга мөмкин.

Фото автордан.