Җиңү өчен: баулылылар көрәшчеләргә ярдәм итәләр

Без барганда Айнур Гыймаев җитәкчелегендә эшчеләр чираттагы гуманитар йөкне – агач бүрәнәләр, такталар һәм төзелеш өчен кирәк-ярак агач материаллары төйиләр иде. Ишегалдында авыр техника эшли, ә эшчеләр бригадасы, кырмыска оясын хәтерләтеп, үз эшләрен бер җайга башкара.

– Хәзерге вакытта без танк дивизиясе сугышчыларына төзелеш материаллары, урман рәвешендә чираттагы гуманитар ярдәм партиясен әзерлибез, – ди Айнур Гыймаев. – Блиндажлар, окоплар төзү өчен төзелеш материалларын гуманитар ярдәм буларак икенче тапкыр әзерлибез. Хәзер бу партияне 90нчы гвардия танк дивизиясенең ремонтлау-торгызу батальоны сугышчылары көтә. Гуманитар ярдәмнән башка без даими рәвештә авыр техниканы ремонтлыйбыз – нигездә хәрби траллар. Аларны безгә китерәләр, без аларны монда ремонтлыйбыз һәм кире фронтка җибәрәбез.

Хәрбиләрнең бу бүрәнәләрдән үзләренә кирәкле әйберләрне урында әзерләү мөмкинлеге бар, шуңа күрә әзер агач материалларыннан тыш, алар гади агач бүрәнәләр дә сораганнар. Эшчеләр бригадасы һәм авыр техника санаулы минутларда фронт өчен кирәкле һәм кыйммәтле йөкне әзерләде.

– Махсус хәрби операция башланганнан бирле, күп кенә якташларыбыз кебек үк, хәрбиләргә кулдан килгәнчә ярдәм итәбез, – ди Айнур Гыймаев. – Безнең тарафтан фронтка хәрби техника, УАЗ автомобильләре, автошиналар, ягулык-майлау материаллары, сугышчан коптерлар җибәрелә. Даими нигездә без хәрбиләрдән кергән сорау нигезендә гуманитар ярдәм формалаштырырга тырышабыз. Бу дизель белән эшли торган генераторлар, төрле җылыту приборлары – безнең егетләр өчен аларның барысы да кирәк.

Бу катлаулы вакытта ил өчен предприятие хезмәткәрләре махсус хәрби операция уздыруга ярдәм итүгә үз өлешен кертә. Алар сугышчыларыбыз ихтыяҗлары өчен гуманитар ярдәм әзерләп озаталар, хәрбиләр ярдәм фондына акча җибәрәләр һәм күп кенә хәйрия акцияләрендә актив катнашалар. Моннан тыш, алар үзләренең гражданлык җаваплылыгын һәм теләктәшлекләрен күрсәтеп, районның җәмәгать эшләрендә дә ярдәм күрсәтәләр.

– Коллектив ел саен Исергәп авыл җирлегенең авыр социаль хәлдәге балалары өчен “Мәктәпкә җыенырга ярдәм ит” хәйрия акциясендә катнаша, – ди сөйләде җитәкче. – Шулай ук шәһәрдә һәм Исергәп авылында ел саен зиратларны чистарту өмәләрендә техника, эшче куллар белән ярдәм итәбез.

 Бүгенге көндә компаниянең өч хезмәткәре МХО уздыру зонасында. Аларга шулай ук төрлечә ярдәм итеп торалар, якыннарына булышалар.

Айнур Гыймаевка гуманитар ярдәм җыюны оештыруда һәм илтеп җиткерүдә күрсәткән ярдәме өчен күпсанлы Рәхмәт хатлары, “Фронтка ярдәм өчен” медале тапшырылган.

Фото: Индира Сәйфуллина