Имамнарга таныклыклар тапшырганнар

Бу юлы алар Яңа Чүте авылы мәчетенә җыелган. Районның имам-мөхтәсибе Әнвәр хәзрәт Хәмитов соңгы айда башкарылган эшләр турында сөйләгән. Җыелышта Мәүлид бәйрәмен уздыру мәсьәләсе каралган. Гает шәһәрнең үзәк мәчетендә 8 декабрь көнне узачак. Хатын-кызларга бәйрәмгә шигырьләр һәм мөнәҗәтләр язарга тәкъдим ителгән.

Җыелышта 11 имамга Татарстан мөселманнары Диния нәзарәте таныклыгы тапшырылган. Әлеге документ имамга дин тарату хокукын бирә.