Беренче абунәчебез бассейнга беренче абонементны алды

Район газетасына 4 декабрьдән 14 декабрьгә кадәр язылган беренче ун кешегә шәһәрнең ябык бассейнына бушлай абонемент бирелә. Бүген шундый беренче язылучы Миннегол авылында яшәүче Розалия Инсапова булды.
– Без кечкенә чакта ук район газетасын күреп, укып үстек. Бүгенге акциягә эләгүем белән шатмын. Газетаны кайда гына күрсәм дә, кулыма алып карыйм, тиз генә укып чыгам мин. Газета безнең районныкы, үзебезнеке бит, күңелгә якын, – дип сөйләде “Хезмәткә дан” газетасы корреспондентына Розалия Инсапова. – Әле газетага язылырга өлгермәгән идем. Йөгереп килдем. Бассейнга абонемент та, махсус басылган календарь дә бүләк иттеләр.