Баулылар хаҗ сәфәрендә

Хаҗ сәфәрен кылу – сау-сәламәт, балигълык яшенә ирешкән һәр мөселман кешесенең бурычы. 
– Кече хаҗга җиде кеше җыенып килдек, – дип хәбәр итте Әнвәр хәзрәт. – Гомрә хаҗы – ул кече хаҗ булып санала. Аның өчен аерым вакыт юк, ягъни кешенең кайчан мөмкинчелеге була, шул вакытны бара. 
Хәзрәт сүзләренчә, гомрә хаҗы олы хаҗ белән чагыштырганда күпкә җиңелрәк. 
– Гомрәдә башкарылучы гыйбадәтләр азрак була. Ул гыйбадәтләрне тиз арада үтәргә мөмкин, – дип аңлатты ул. – Гомрә хаҗы вакытында шулай ук Мәккәдә кәгбәтулла кырыенда тәваф кылу керә. Һәм Мәдинә шәһәрендә пәйгамбәребез мәчетенә килеп, анда намаз укып, сәлам биреп китү кирәк.