Баулы районы хуҗалыкларында чәчүлек орлык җитәрлек күләмдә

Алдагы ел уңышын алу һава шартлары, эшкәртү, ашлау гына түгел, ә турыдан-туры чәчүлек орлык сыйфатына бәйле. Бүгенге көндә сабан культуралары орлыгы 7779 тоннага якын әзерләнеп, “Россельхозүзәк” аша тикшерелеп, саклау складларына салынган, инкрустация үткәрелә. Орлыкларны агулау-эшкәртүче бер техникага якынча йөкләнеш 450 тонна тәшкил итә. Районың авыл хуҗалыгы һәм азык-төлек идарәсе начальнигы Альберт Талипов сүзләренчә, мондый техникалары булмаган хуҗалыклар агулау-эшкәртү җиһазларын эрерәк хуҗалыклар белән килешү нигезендә эшләячәк. 30 мартка техника кабул итү комиссиясе тарафыннан 15 берәмлек агулау техникасы тикшерелде. Нәтиҗәдә 12 берәмлек техника эшкә рөхсәт алды.

Фото: Айгөл Хөсәенова