Каникуллар куркынычсыз булсын өчен

Районда "Игътибар - балалар!" акциясенең беренче этабы старт алды. Ул балаларның юлда имгәнүләр алуын булдырмауга юнәлтелгән.
Агымдагы ел башыннан районда балалар зыян күргән (ике яшүсмер) ике авария булган. Статистика буенча, балалар зыян күргән юл аварияләре саны каникуллар вакытында арта.
Баулы ДАИ мәгълүматлары буенча, акция кысаларында районда балалар һәм аларның әти-әниләре катнашында төрле чаралар үткәреләчәк, шулай ук мәгариф учреждениеләренә килү юлларын, юл билгеләренең, светофорларның торышын тикшерү планлаштырыла.