Баулы бакчачысы хәйрия акциясе үткәрә
Карлыган өлгергән вакыт Ришат Юнысов өчен уңыш җыю чоры гына түгел, ә игелекле гамәлләр кылу өчен бер форсат та. Соңгы елларда ул үзенең бакчасына аеруча ярдәмгә һәм игътибарга мохтаҗ кешеләрне чакыра. Бу сезонда, гадәттәгечә, Кырымсарай авылындагы картлар һәм инвалидлар йорты хезмәткәрләре карлыган җыеп киткән. Алардан соң “Семья” балалар һәм яшүсмерләр социаль приюты хезмәткәрләре дә уңыш җыярга килде.