"Хәбәрләр". Эфир от 1.10.2020

Төп темалар:

- Соңгы елларда Баулы районындагы авыл хуҗалыклары көнбагыш культурасын үстерү белән ныклап шөгыльләнә башладылар. Быел көнбагыш биләгән мәйданнар барлыгы 4 мең 500 гектардан артып киткән.

- Егетләр көзге чакырылышка әзерләнә. Безнең төшерү төркеме хәрби комиссариатка барып кайтты.

- Бүген ветераннар арасында “Балкыш” үзешчән башкаручылар район фестиваленең  гала-концерты узды. Концерт нәкъ менә өлкәннәр көненә туры килеп, зур бәйрәм төсен алды.

- Баулы районының мактаулы гражданины Әнвәрд Галиәкбәров шушы көннәрдә үзенең 90 яшьлек юбилеен билгеләп үтте. Туганнарының һәм якыннарының җылы котлауларына җитәкчеләр дә кушылды.

- “Баулы-информ” хезмәткәрләре үзләренең ветераннарын бәйрәм белән тәбрикләде һәм иганәче бүләкләрен тапшырды. Редакция “Слава труду” һәм “Хезмәткә дан” газеталарының юбилей елында абунәчеләргә кабат бүләк өләшә.

-  Дания Госсамова 15 елдан артык гомерен Кызылъяр авылы халкына газета-журналлар ташуга багышлый. Ул ярты авылга почта хезмәте күрсәтү белән мәшгүль. Тугыз елдан артык лаеклы ялда булуына карамастан, яраткан эшенә эле булса тугъры кала бирә ул.

- Татарстан журналистлары бүген “Татмедиа” җәмгыяте оешуның 13 еллыгын билгеләп үтә. Компанияне һәм анда эшләүчеләрне әлеге көн уңаеннан “Татмедиа” акционерлык җәмгыятенең генераль директоры Шамил Садыйков котлады.

- 19 нчы октябрьдән 30 ына кадәр Баулы районында “Иң яхшы мәктәп китапханәчесе -2020” муниципаль бәйгесе үтәчәк. Әлеге бәйге ике этаптан тора.

- 1 нче октябрьдән 11 енә кадәр “Хезмәткә дан”, “Слава труду” район газетасына язылу декадасы башланды. Шул уңайдан бүген “Баулы – информ” редакциясе бинасында газетага язылырга килүчеләрне бәйрәмчә, чәй табыны белән каршы алдылар.

- Быел бишенче мәртәбә Бөтенроссия “Татарча диктант” акциясе узды. Узган шимбәдә бер меңгә якын баулылы татар теле буенча белемнәрен тикшереп карады. Акциягә безнең хәбәрчебез дә кушылды.