Интертаттан 13 сентябрьгә һава торышы һәм ай календаре
13 сентябрьдә Татарстанда алмашынучан болытлы һава. Явым-төшемнәрсез. Төнлә һәм иртән кайбер районнарда томан булачак. Җил көньяк-көнчыгыштан, көньяктан, акрын тизлектә. Төнлә һава температурасы +2..+7˚ градус, урыны белән туфракта -1˚ кадәр кырау булырга мөмкин. Көндез һава температурасы +17..+22˚ градус.
13 сентябрь
Үсүче ай. Ай Үлчәү йолдызлыгында
Яшелчә бакчасы
Бүген утырту һәм күчереп утырту эшләре башкармаска киңәш ителә. Тозлау өчен дә уңай көн түгел. Теплица һәм парниктагы яшелчәләрне җыеп алырга.
Чәчәк түтәле
Күпьеллык чәчәкләрне һәм дару үләннәрен утырту, тукландыру, бүлгәләп күчереп утырту өчен уңайлы чор. Чәчәкләргә минераль ашлама кертергә.
Җиләк-җимеш бакчасы
Кура җиләгенең корыган сабакларын кисәргә кирәк. Көзен агачлар һәм куаклар утырту өчен туфрак әзерләргә. Авыру һәм уңыш бирми торган агачларны һәм куакларны кисәргә кирәк.
Бу хакта тулырак: https://intertat.tatar/hawa_toryshy/intertattan-12-sentyabrg-ava-toryshy-m-ay-kalendare-/
Следите за самым важным и интересным в Telegram-каналеТатмедиа
Нет комментариев