Шурпа рецепты

Кирәкле ингредиентлар: шулпа – 300 мл, пешкән ит – 50 г, яшелчәләр (бәрәңге, баллы борыч, кишер) – 100 г, суган – 50 г, сары май, тәменчә тоз, борыч, яшел тәмләткечләр.

Эш барышы: Сөякле иттән шулпа кайнатабыз. Шулпаны сөзеп, итне кисәкләп турыйбыз. Әзер итне, түгәрәкләп туралган бәрәңге, кишер, баллы борыч һәм ярым боҗралап туралган суганны чүлмәккә салабыз. Тоз, борыч, шулпа һәм сары май өстибез дә мичкә куябыз. (Шурпаны плитә өстендә дә пешереп бетерергә була.)

Табынга чыгарыр алдыннан, яшел тәмләткечләр сибәбез.

Фото: yandex.ru

Чыганак:  https://intertat.tatar/news/cooking/15-05-2020/shurpa-retsepty-5739545