Яңа Татар бистәсе зиратында Әлфия Авзалова рухына дога кылачаклар

2020 елның 15 июнендә Казанның Яңа Татар бистәсе зиратында Россиянең атказанган, Татарстанның халык артисты Әлфия Авзалова рухына дога кылачаклар.

Бу көнне татар халкының легендар җырчысының вафатына 3 ел тула. Бу көнне 13.00 сәгатьтә җырчының якыннары, сәхнәдәшләре, җыр сөючеләр Казанның Яңа Татар бистәсе зиратындагы кабере янында истәлекләр белән уртаклашачаклар, җырчы рухына дога кылачаклар. 15 июнь — Әлфия Авзалованы искә алу көне.

Фото: http://yandex.ru

Чыганак: https://tatar-inform.tatar/news/culture/10-06-2020/ya-a-tatar-bist-se-ziratynda-lfiya-avzalova-ruhyna-doga-kylachaklar