Бавлы-информ

Баулы районы

18+
Рус Тат
Җәмгыять

Татарстанда чәчү кампаниясенә 30 миллиард сумнан артык акча бүлеп бирергә исәплиләр

Чәчү кампаниясенең төгәл сроклары әлегә билгеле түгел.

Татарстанда чәчү кампаниясенә 30 миллиард сумнан артык акча юнәлтү планлаштырыла.

Татарстан Республикасы Авыл хуҗалыгы һәм азык-төлек министрлыгының игенчелек тармакларын үстерү бүлеге башлыгы Ирек Садыйков «Татар-информ» да узган матбугат конференциясендә шундый сан китерде.

«Чәчү кампаниясенә 30 миллиард сумнан артык акча юнәлдереләчәк. Бу якынча хисаплар», — диде ул.

Садыйков чәчү кампаниясенең төгәл срокларын әйтмәде. Шулай да «теләсә кайсы вакытта кырга чыгарга әзер булырга кирәк» дигән фикерен белдерде.

«Киләсе атнадан җылыта. Ул ничек узачак, әлегә әйтергә кыен, әмма вакыт аз калып бара. Туңган катлам 50 см чамасы иде, әмма хәзер ул кими бара, азрак калды», — дип билгеләп үтте министрлыкның бүлек башлыгы.

Ул искәрткәнчә, узган елда иртә көз коры булды. Әмма көз ахырына туфракта еллык уртача дым запасын тупланган. «Бу дым уңыш өчен файдага булачагына ышанам», — дип тәмамлады ул.

Чыганак:  https://tatar-inform.tatar/news/agriculture/18-03-2022/tatarstanda-ch-ch-kampaniyasen-30-milliard-sumnan-artyk-akcha-b-lep-birerg-is-plil-r-5851597

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев