Татарстан студентлары 6 майдан дистанцион укуны дәвам итәчәк

Татарстан укучылары 1 майдан 11 майга кадәр ял итәчәк. Колледжлар һәм югары уку йортлары студентлары 6, 7 һәм 8 майда дистанцион режимда укуларын дәвам итәчәкләр. Бу турыда Татарстан Мәгариф һәм фән министрлыгы матбугат хезмәте хәбәр итте.

Студентлар 1-5 майда укымыйлар, шулай ук алар өчен 9, 10 һәм 11 май ял көннәре булачак.

Моннан тыш, 6,7 һәм 8 майда балалар бакчаларында кизү группалар элекке режимда эшләвен дәвам итәчәк.

Фото:https://pixabay.com

Чыганак:https://tatar-inform.tatar/news/science/03-05-2020/tatarstan-studentlary-6-maydan-distantsion-ukuny-d-vam-it-ch-k-5740185