Шикле звонок? Җавап бирмәгез!

Экрандагы шалтратучы номерга игътибар итегез. Кайсы очракларда җавап бирергә һәм, бигрәк тә, кире шалтыратырга ярамый:

1. Номер башка ил коды белән башлана. Мондый номерлардан шалтыратулар еш кына потенциаль корбаннарга чит ил лотереяларында яки башка зур җиңүләр турында хәбәр итә.

2. Кыска номер. Кыска номерлардан шалтыратулар мошенниклар тарафыннан башкарыла ала, өстәвенә, кыска номерга шалтыратулар еш кына түләүле.

3. Номерда саннар дөрес күрсәтелми. Берничә ел элек кенә мошенниклар саннарны хәрефкә алыштырырга өйрәнгән. Әйтик, күптән түгел генә ил буенча 90О номерыннан шалтыратулар дулкыны узды, анда бер нуль урынына “О” хәрефе иде. Әлеге массакүләм шалтыратуларның корбаннары аз булмады, чөнки чын 900 номер Россия банкларының берсе.

4. Начар абруйлы номер. Әлбәттә, мондый номерларны истә калдыру мөмкин түгел. Мөмкинлек бар икән, бу номерны интернеттагы теләсә кайсы эзләнүдә кертегез, еш кына теләмәгән шалтыратулар буенча мәгълүмат челтәрдә урнаштырылган инде.

Исегездә тотыгыз, мошенниклар еш кына сезне куркыныч номерларга трубканы тиз арада ташлап яки өзеп кую юлы белән яки кызыктыручан СМСлар җибәреп (мәсәлән, товар сатып алу яки бүләк оту турында) кире шалтыратырга мәҗбүр итәләр.

Уяу булыгыз һәм таныш булмаган телефон номерларына кире шалтратмагыз.