Марина Патяшина: Коронавирус белән бәйле яңа чикләүләр балаларга кагылмый

Коронавирус белән бәйле вазгыять кискенләшү аркасында кертелгән яңа чикләүләр балаларга кагылмый.

Бу хакта «Татар-информ» агентлыгында матбугат конференциясендә Роспотребнадзор хезмәтенең Татарстан буенча идарәсе җитәкчесе Марина Патяшина әйтте. «Балаларга бассейннарга, башка секцияләргә йөрергә рөхсәт, аларга чикләү юк. Балалар элекке тормышы белән яши», — диде ул.

Ул балаларга коронавирустан вакцинация каралмаганын искәртте. Димәк, аларның җәмәгать урыннарына йөрү өчен QR-коды юк дигән сүз.

Чыганак:  https://tatar-inform.tatar/news/health/11-10-2021/marina-patyashina-koronavirus-bel-n-b-yle-ya-a-chikl-l-r-balalarga-kagylmyy-5840839