Ләйлә Фазлыева эшләми торган көннәрдә Татарстанда эшләячәк объектларны атады

Эшләми торган атнада кафелар һәм сәүдә үзәкләре QR-кодлар буенча гына эшләячәк.

«Татар-информ»да узган матбугат конференциясендә Татарстан премьер-министры урынбасары Ләйлә Фазлыева сөйләгәнчә, кафе һәм рестораннар бары тик QR-кодлар буенча гына эшләячәк. Ризыкны үзең белән алганда, заказларны илтеп биргәндә, аэропортлардагы, вокзаллардагы җәмәгать туклануы урыннарында һәм банкет хезмәте күрсәткәндә сертификатлар кирәкми.

Код булган очракта 18 яшьтән өлкәнрәкләр спорт үзәкләренә, бассейннарга, фитнес-үзәкләргә һәм аквапаркларга керә ала.

Мәйданы 150 квадрат метрдан зуррак булган сәүдә һәм сәүдә-күңел ачу үзәкләренә һәм көнкүреш кирәк-яраклары сата торган башка объектларга керү өчен шулай ук QR-код кирәк.

Чыганак:  https://tatar-inform.tatar/news/society/28-10-2021/l-yl-fazlyeva-eshl-mi-torgan-k-nn-rd-tatarstanda-eshl-yach-k-ob-ektlarny-atady-5842056