Кичке юлда коточкыч һәлакәт: 3 кешенең гомере өзелгән

Һәлакәт хакында коткару хезмәтенә 112 телефоны аша 16:30 сәгатьтә хәбәр ителә. Трассаның 820 нче чакрымында DAF йөк машинасы (фура) һәи 14 нче модель "Лада" автомобиле бәрелешкән. Һәлакәт аркасында җиңел машина йөртүчесе һәм ике пассажиры һәлак булган, дип яза "Татар-информ". Урында коткару хезмәте эшләгән. Сытылган машина эченнән үлгән кешеләрне махсус җайланмалар ярдәмендә генә чыгара алганнар.

Сүз уңаеннан: социаль челтәрләрдә 4 кешенең үлеме турында да язалар. Хак булса, һәлак булучылар Сабаның Шәмәрдән якларыннан, диелә.