“Җир сәгате-2017” акциясенә кушылыгыз!
25 мартта 20 сәгать 30 минуттан 21 сәгать 30 минутка кадәр дөньякүләм "Җир сәгате-2017" акциясе узачак. Аның темасы кешенең табигатькә җаваплы мөнәсәбәте, ә шигаре "Җир шарын түгел, үзеңне үзгәрт" булачак, дип хәбәр итә Татарстан экология һәм табигать ресурслары министрлыгы матбугат хезмәте.
Акцияне оештыручылар республиканың барлык хакимият һәм дәүләт органнары җитәкчеләрен, предприятиеләр һәм оешмаларны, шулай ук республика халкын бу акциягә кушылырга һәм бер сәгатькә биналарның декоратив яктыртуын, биналардагы утларны, кешеләрнең тормышын саклау белән бәйле булмаган электрик җиһазларны сүндеререгә, электр энергиясе куллануны киметүгә юнәлдерелгән бүтән чараларны күрергә чакыра.
Следите за самым важным и интересным в Telegram-каналеТатмедиа
Нет комментариев