Чибәр булу сере

Юыныр өчен лосьон
Савытка бер калак яшел чәй, ике тамчы гөлчәчәк мае, бер стакан кайнап чыккан су салабыз һәм, яхшылап ябып, бер тәүлек тотабыз. Соңыннан янә бер стакан кайнаган су кушып, 40-45 минут төнәтәбез, сөзәбез. Иртәле-кичле битне чистартабыз. Суыткычта ике-өч көн саклана.

Агартучы пилинг
Берничә ногыт борчагын йомшарганчы пешереп алабыз. Изәбез һәм бер калак зәйтүн мае, берничә тамчы лимон суты кушабыз. Биткә сөртеп, 20 минуттан юып алабыз.

Кабактан битлек
Кабакны чистартып, йомшагын вак итеп турыйбыз. 250 грамм су, 375 грамм аракы кушып, кайнатып алабыз, сыекчасын түгәбез. Изеп, битлек әзерлибез. Йоклар алдыннан сөртәбез. 30 минуттан боткасыман массаны биттән алабыз, ләкин юмыйбыз. Иртән юып алгач, бит тиресе якты һәм матур булачак.

Фото: Шедеврум нейрочелтәре тарафыннан барлыкка китерелгән