Баулылы Фәнүзә Айдагулова: “Мин гомеремдә сәхнәдән бер генә айга китеп, башка эшкә күчеп карадым. Сәхнәсез үләм икән!”

Яңа ел, Сабан туйлары, Сабантуйга яулык-бүләк җыю, “Уңыш” бәйрәме, авыл хуҗалыгы ярминкәләре, авылларда ындыр табакларындагы концертлар, шәһәрнең мәдәни мохит проекты чыгышлары һәм башка шундый бәйрәмнәр хакында сүз бара икән, күз алдына чын күңеленнән елмайган, халыкка тугры хезмәтендә булган Фәнүзә ханым Айдагулова килә. Нинди генә бәйрәм чарасы булса да, тамашачы ул җитәкләгән “Умырзая” җыр һәм бию ансамбле чыгышын яратып көтеп ала, кайнар алкышлар бүләк итә.

– Мин Башкортстан кызы. Октябрьский шәһәрендә урта мәктәпне тәмамлаганнан соң, укытучым тәкъдиме белән Алабуга мәдәни-агарту училищесын тәмамладым, – дип сөйләде үзе хакында Фәнүзә ханым. – Уку йортын тәмамлагач, юллама нигезендә Кызылъяр авылы мәдәният йортына эшкә җибәрделәр. Анда биш ел эшләргә тиеш идем, унбиш ел үткәнен сизми дә калганмын. Аннан бию түгәрәкләре оештыру, бәйрәмнәр алып бару сәләтемне күреп алып, район мәдәният йортына эшкә чакырдылар. Шуннан соң, сәхнәдә булуыма тиздән илле ел тула.

Ни өчен Фәнүзә Айдагуловага ике бүлмәле фатир биргәннәр? Нинди мактауларга лаек булган? Ни өчен ул биюне үзенең сулышы, ипие дип атый? Нинди планнар кора? Сәхнә кыйммәтен аңлау өчен эшеннән бер айга китеп, сак хезмәтенә кергән, анда нинди хисләр кичергән?

 Бу хакта тулырак Баулы телевидениесенең “Якташлар” тапшыруында карарга һәм “Хезмәткә дан” газетасында укырга мөмкин булачак.

Фото: шәхси архив