Баулыларны мичләрдән файдаланганда сак булырга өндиләр

Күпләр җәен приборлардан файдалану күнекмәләрен онытып җибәрәләр, саклык чараларын күрмиләр. Өстәвенә мичләр дә, вакыт үтү белән, яраксыз хәлгә килергә мөмкин. 
Баулы районы 109нчы янгын сүндерү часте начальнигы Илдар Галиев “Баулы-информ” редакциясенә хәбәр иткәнчә, узган атнада Татарстанда, мичтән дөрес файдаланмау сәбәпле чыккан янгыннарда тугыз кеше һәлак булган. 
Баулыларга шуны искәртәләр: җылылык сезонын башлар алдыннан, мичләрне яхшылап тикшереп чыгарга, төтен юллыкларын чистартырга кирәк. Төзек хәлдә булмаган мичләр, каминнар һәм төтен юллыкларыннан файдаланырга ярамый.

Фото: freepik.com