Баулыларга канализация торбаларына сак карашта булулары сорала

“2022 елда районда торбалар тыгылу саны, 2021 ел белән чагыштырганда, 28 процентка артты, – дип хәбәр итте “Водоканал” предприятиесе җитәкчесе Рафаэль Шәймәрданов. – Канализация торбаларын чистартканда, безнең хезмәткәрләр нинди генә чүп-чарга тап булмый. Хәтта песи балалары да була! Канализация – чүп савыты түгел. Кайбер кешеләрнең шундый гамәлләре нәтиҗәсендә торбалар еш тыгыла”.

Предприятие мәгълүматына караганда, 2021 елда районда канализация торбалары тыгылуның 1379 очрагы теркәлгән, ә былтыр исә шундый 1768 очрак булган.