Баулыда вакцина ясату темплары артты

Бер атна эчендә, яңа коронавируслы инфекциядән вакцина ясату темплары җиде тапкырга арткан. Бу хакта редакциягә район үзәк хастаханәсендә халыкка медицина хезмәте күрсәтү бүлегенең баш табибы урынбасары Ринат Шәфыйков хәбәр итте. Аның сүзләренә караганда, 11 октябрьдән бирле 840 кеше прививка ясаткан, элегрәк бер атна эчендә привика ясатканнарның саны 100гә якын булган. Шуңа күрә хастаханәнең педиатрия бүлегендә тагын ике прививка кабинеты ачу турында карар кабул ителде.

Фото: /pixabay.com