Баулы районы авыллары гуманитар ярдәмдә актив катнаша

Махсус хәрби операциядә катнашучы ир-егетләргә гуманитар ярдәм күрсәтү чараларында Исергәп авылында яшәүчеләр дә актив катнашалар, кулларыннан килгәнчә ярдәм итәргә тырышалар. Шушы көннәрдә авыл халкы үзенең бердәм булуын тагын күрсәтте. Санаулы көннәр эчендә озатылачак гуманитар ярдәмгә тагын үз өлешләрен керттеләр.

– Егетләргә кирәкле әйберләр исемлеге билгеле. Шул исемлек буенча кирәк булган ярдәмне китерергә тырыша инде авылдашлар, – дип мәгълүмат бирде Сәлия Мәҗитова. – Әлеге исемлек авылдашларга җиткерелде, халык нәрсәләр кирәк икәнен яхшы белә.

Ярдәмне оештыручылар сүзләренчә, ярдәмнән мәктәп укучылары, балалар бакчалары нәниләре дә читтә калмый. Алар хатлар язып изге теләкләрен җиткерәләр, рәсемнәр ясап тапшыралар.

Фото: Сәлия Мәҗитова