Авариядә ир-егет һәлак булган

Баулы – Фоминовка трассасында Поповка һәм Алексеевка авыллары арасында җиңел автомобиль, машина йөртүче идарәне югалту сәбәпле, кюветка чыгып очкан.

Нәтиҗәдә җәрәхәтләр алган дүрт пассажир Бөгелмә район үзәк хастаханәсенә җибәрелгән. “Лада” йөртүчесе – Баулы районында яшәгән 35 яшьлек ир-егет – һәлак булган. Редакция аның туганнары һәм якыннарының авыр кайгыларын уртаклаша.