Хөрмәтле ветераннар, өлкән буын вәкилләре!

Гомерегезне, бар көч-куәтегезне хезмәткә биреп, әле бүген дә безне акыллы киңәшләрегез, кулдан килгән ярдәмегез белән куандырып торасыз. Халкыбызның әдәп-әхлак өлгесен, гореф-гадәтләрен саклау, аларны яшь буынга тапшыру эшендә дә сез безнең төп таянычыбыз.

Сезгә чын күңелемнән рух ныклыгы, күңел көрлеге, кайгы-хәсрәтсез имин көннәр, хәерле гомер телим. Алдагы тормышыгыз якыннарыгыз, туганнарыгызның игелеген күреп узсын, күп еллар буе яшәү көче сезнең юлдашыгыз булып калсын!

Рамил Гатиятуллин, Баулы муниципаль районы башлыгы.