Әниләр көне белән!

Һәрберебез өчен дә әни - тормышта төп кеше, аның мәхәббәте, ничә яшьтә булуыбызга карамастан, ярдәм итә, илһамландыра, ә ул биргән тормыш сабаклары гомергә күңелдә кала. Гаилә учагын саклаучы кадерле әниләр! Гаилә һәм балалар иминлеге генә түгел, бөтен Россиянең киләчәге сезгә бәйле.
Аналарга ярдәм итү, балаларны балалар бакчалары белән тәэмин итү өчен Татарстанда күп эш башкарыла, белем бирү сыйфаты арта. Ана һәм бала сәламәтлеге сәламәтлек саклау өлкәсендә өстенлекле юнәлешләрнең берсе. Әлеге чаралар сезнең бала тәрбияләүдәге хезмәтегезне аз булса да җиңеләйтү өчен эшләнә.
Барлык әниләрне чын күңелемнән бәйрәм белән тәбрик итәм. Гаиләләрегезгә бәхет-шатлык, иминлек, балаларыгызга, якыннарыгызга, туганнарыгызга саулык-сәламәтлек телим. Барлык хыялларыгыз чынга ашсын!

Рамил ГАТИЯТУЛЛИН,
Баулы муниципаль районы башлыгы