Бәйрәм белән!

12 июнь - Россия көне. Әлеге бәйрәм чагыштырмача күптән түгел генә билгеләп үтелә башласа да, аның тарихи тамырлары ерак гасырларга барып тоташа.

Россиянең бәйсезлеге - бик күп буыннарның олы хезмәте, сугышчан батырлыгы, зур югалтулары нәтиҗәсе. Ата-бабаларыбыз күп тапкырлар Ватанны саклау хакына корбан булдылар, аның кагылгысызлыгы сагында тордылар. Россия көнен билгеләп үтеп, без аларның хезмәт һәм хәрби батырлыкларын, ватанпәрвәрлекләрен искә алабыз.

Бүгенге көндә зур уртак Ватаныбызда төрле халыклар үз милли үзенчәлекләрен югалтыймча, традицияләрен саклап яшиләр. Һәм шунысы сөенечле: безнең район төрле милләтләр дуслыгы һәм аларның мәдәниятләренә хөрмәт үрнәге булып тора.

Кадерле якташларым, сезне бәйрәм белән тәбрик итәм, гаилә бәхете, ныклы сәламәтлек, төбәгебез һәм Россия иминлеге хакына кылган эшләрегездә уңышлар телим.

Рамил ГАТИЯТУЛЛИН,

Баулы муниципаль районы башлыгы