Мурашко: 35-40 яшьлек ир-атлар арасында үлем күрсәткече хатын-кызлардан ике тапкыр зуррак
Россиядә 35-40 яшьлек ирләр арасында үлем күрсәткечләре хатын-кызлар белән чагыштырганда ике тапкыр югарырак, тышкы факторлар төп сәбәпләрнең берсе булып тора. Бу хакта РИА Новости хәбәр итә.
«35-40 яшьтә ир-атлар һәм хатын-кызлар арасында үлем күрсәткече ике тапкыр аерылып тора», – диде Россия сәламәтлек саклау министры Михаил Мурашко Бөтенроссия волонтер-медиклар форумында.
Тышкы факторлар бу яшьтәге ир-атлар үлеменең төп сәбәпләренең берсе булып тора, диде ул. Министр сүзләренчә, хәзер яшьләр сәламәт яшәү рәвеше алып бармый – күбесе тәмәке тартуны дәвам итә, спорт белән аз шөгыльләнә һәм алкоголь куллана.
Чыганак: татар-информ
Следите за самым важным и интересным в Telegram-каналеТатмедиа
Нет комментариев