Ике округта өстәмә сайлаулар узачак

14 апрельдә, ягъни якшәмбе көнне Баулы муниципаль районының ике авыл җирлеге территориясендә җирле вәкиллекле органнарга өстәмә сайлаулар узачак.

9нчы бер мандатлы Исергәп сайлау округы буенча Исергәп авыл җирлеге Советына депутатлыкка кандидат итеп Марат Әнис улы Бакиров, 10нчы бер мандатлы Салих сайлау округы буенча Салих авыл җирлеге Советына депутатлыкка кандидат итеп Марат Марс улы Җәләтов теркәлде. Бу көннәрдә кандидатларның сайлаучылар белән очрашулары уза.

Сайлау комиссияләре авыл мәктәпләре биналарында урнашкан, тавыш бирү 7 сәгатьтән 20 сәгатькә кадәр дәвам итәчәк.