Баулылар, салым түләргә онытмагыз

Баулы районы баш салым инспекторы Валентина Галкина мәгълүматына караганда, бүгенге көндә салым кәгазьләренең 96 проценты юлланган. Салым җыелу 26 процент тәшкил итә, бу 2,3 миллион сум дигән сүз. Транспорт салымы – 29 процент, милек салымы – 29 процент, җир салымы 31 процент түләнгән.

Салымны федераль салым хезмәтенең рәсми сайтында физик затның шәхси кабинеты аша түләү уңайлы. Хәзер шәхси кабинетка дәүләт хезмәтләре порталы паролен кулланып та кереп була.