Баулы районында азык запасы әзер

Баулы районы авыл хуҗалыгы предприятиеләре кышкы чорга бер баш шартлы терлеккә 30,5 центнер исәбеннән азык берәмлеге әзерләнгән.

Авыл хезмәтчәннәре иң соңгы азык культурасы - кукуруз урып-җыюны төгәлләде. Хәзер төп көч булчак уңыш нигезен әзерләүгә - туфрак эшкәртүгә юнәлтелә. 16 октябрьгә булган мәгълүматка караганда, сөрүлек җирнең 79 проценты эшкәртелгән. Биш мең гектардан артык җир сөрелгән, 11,7 мең гектар туфрак - тирәнәйтеп, 12,3 мең гектары өстән генә эшкәртелгән. Бүгенге көндә район кырларында туфрак эшкәртү белән 17 агрегат мәшгуль.