Баулылы тагын бер җиңү яулады

"Баулынефть" идарәсенең "Иволга" сәламәтләндерү комплексы директоры Виктор Мельников Мәскәү шәһәрендә Россия җиңел атлетчы ветераннары арасында җиңү яулады.

Виктор Мельников "Ир-атлар-65" яшь төркемендә 200 метрлы арадагы узышларда - беренче, ә 100 метрлы йөгерүдә икенче урынга лаек булган. Әлеге уңышлары өчен якташыбызга Бөтенроссия җиңел атлетика федерациясе дипломнары тапшырылган. "Баулынефть" идарәсенең кадрлар бүлеге әйдәүче инженеры Айрат Хафизов хәбәр итүенчә, ярышлардан әйләнеп кайткач, Виктор Ивановичны җиңүе белән предприятие җитәкчеләре дә тәбрикләгәннәр.