Соңгы вакытта коткаручылар шәхси йортларга чакырулар артуын билгели.

Баулы районының Татар Томбарлы авылында мунчада янгын чыгуы турында "Казан" телекомпаниясе хәбәр итә. Янгынчылар килгәнче утны ирекле янгын дружинасы сүндерә торган. Очкын торак йортка күчү куркынычы булган, тик бу хәлгә юл куймаганнар. Янгын сәбәбе - мич белән куллану кагыйдәсен бозу.

Иртәгәдән республикада янгынга каршы махсус режим кертелә, янгын куркынычсызлыгы кагыйдәләрен бозучыларга бу чорда икеләтә штрафлар салыначак.