Баулы районында табиблык амбулаториясе ремонтланды

Табиблык амбулаториясен ремонтлау һәм реконструкцияләү беренчел медик-санитар ярдәм күрсәтүне камилләштерү программасы кысаларында ай ярым эчендә үткәрелде. Ремонт эшләре 2 миллион сумга төшкән, шулай ук 360 мең сумлык яңа медицина җиһазлары сатып алынган.

Амбулатория барлыгы районыбызның сигез торак пунктында яшәүчеләргә медицина хезмәте күрсәтәчәк. Биредә яңа регистратура булдырылган, хәзер амбулатория хезмәткәрләре халыкны заманча һәм уңайлы кабинетларда кабул итәчәк.