Баулыда кышка техника һәм реагентлар җитәрлек

Баулы шәһәренең төзекләндерү һәм яшелләндерү идарәсе баш инженеры Вадим Шәрифуллин сүзләренә караганда, кар күп яву сәбәпле, предприятие хезмәткәрләре эшкә иртәнге сәгать өчтә үк керешә. Урамнарны кардан арындыру белән җиде берәмлек техника мәшгуль – ике катнаш машина, грейдер, ике МТЗ-82 тракторы, ике мини-төягеч.

Иң беренче чиратта аеруча мөһим юллар – мәктәп маршрутлары, тротуарлар – чистартыла. Аеруча куркыныч участокларга – юл чатларына, текә урыннарга ком-тоз катнашмасы сибелә. Быелгы сезонга 350 тонна шундый катнашма әзерләнгән.