Бавлы-информ
  • Рус Тат
  • Көндезге бүлектә укыган студентларга 500 мең сум матди ярдәм бирергә тәкъдим ителде

    Әлеге акча көндезге бүлектә укып диплом алгач бирелергә мөмкин.

    Россиядә студентлар өчен махсус банк счетлары барлыкка килергә мөмкин. Бу счетка, студент укырга кергәннән соң, 500 мең сумга кадәр акча күчереләчәк.

    Укырга кергәндә һәр студент исеменә махсус банк счеты булдырыла. «Счетка югары белем бирү йорты студентлары өчен 500 мең сум һәм урта һөнәри белем бирү оешмасы студентлары өчен 250 мең сум күләмендә акча күчереләчәк», — дип әйтелә проектта.

    Проект кабул ителгән очракта, счетлар беренче тапкыр югары белем алучы көндезге бүлек студентларына ачыла. Студент капиталына бушлай һәм түләүле бүлекләрдә укучы студентлар дәгъва кыла ала. Акча студентларга уку йортын тәмамлап, диплом алгач кына биреләчәк. Капиталны торак арендалау, шәһәр эчендә йөрү яки шәхси эшеңне ачу өчен кулланырга була. 

    Проект буенча түләүләрне РФ Хөкүмәте башкарачак. Бу проектның максаты — укып бетергән студентларга тормыш башлар өчен ярдәм итү. Шул рәвешле, яшь белгечләрнең илебезгә дә, үзләренә дә максималь файда китерерлек яңа эшкә урнашу мөмкинлеге булачак», — диелә басмада. 

    Фото: /pixabay.com

    Чыганак:  https://tatar-inform.tatar/news/science/19-09-2020/k-ndezge-b-lekt-ukygan-studentlarga-500-me-sum-matdi-yard-m-birerg-t-k-dim-itelde-5772773

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: