Баулылылар Курган өлкәсе Сабан туенда катнаштылар

Татар халкының әлеге күркәм бәйрәмендә Курган өлкәсе губернаторының беренче урынбасары, Курган өлкәсенең авыл хуҗалыгы һәм эшкәртү сәнәгате департаменты директоры Сергей Жданов катнашты. Татарстан президенты котлавын Татарстан Республикасының мәгълүматлаштыру һәм элемтә министрының беренче урынбасары Юрий Багров укыды.

Баулы муниципаль районы башлыгы Альберт Хәбибуллин Насыйровлар гаиләсенә бүләк тапшырды. Насыйровлар нәселе бик күптәннән татар авылы Юлдуста яшиләр. Авылга исә быел 457 ел тулган.

Баулы артистлары Курган татарларын һәм казахларын матур концерт номерлары белән сөендерделәр.