Бавлы-информ
  • Рус Тат
  • Татарстан табиблары балаларга берьюлы биш инфекциядән «Пентаксим» прививкасын ясый

    Моңа кадәр бу прививканы җитлекми туган балаларга гына ясаганнар.

    Бер атна элек Татарстан сырхауханәләрендә балаларга берьюлы биш инфекциядән «Пентаксим» прививкасын ясый башлаганнар. Бу вакцина бума ютәл (коклюш), столбняк, полиомиелит, гемофиль инфекция, дифтериядән саклый.

    «Моңарчы прививка җитлекми туган һәм бик түбән авырлыктагы балаларга гына ясала иде. Без гадәттә балаларга өч айдан башлап, өч укол ясый идек. Хәзер бер укол белән генә биш инфекцияне колачлап була. Шуңа күрә баланы берничә тапкыр интектермәс өчен, барлык кечкенә балаларга «Пентаксим» вакцинасын кадыйбыз», – диде белгеч.

    Аның сүзләренчә, балага беренче тапкыр элекке АКДС прививкасы ясалса да, икенче тапкыр килгәндә, «Пентаксим» прививкасын ясатырга мөмкин.

    Белгеч әйтүенчә, «Пентаксим» прививкасын барлык балаларга ясату бу әле Татарстанга гына хас.


    Фото: pixabay.com

    Чыганак: https://tatar-inform.tatar/news/health/17-09-2020/tatarstan-tabiblary-balalarga-beryuly-bish-infektsiyad-n-pentaksim-privivkasyn-yasyy-5772272

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: