Ашламаны терлек санына карап бирәләр

Район авыл хуҗалыгы товарлары җитештерүчеләренә бюджет хисабыннан 7,4 млн. сумлык минераль ашламалар бирелгән. Ашламаны хуҗалыкларда булган һәр терлек башына 640 сум исәбеннән бүлгәннәр. Баулы районында иң зур өлеш "Колос" кооперативына тигән - 1,4 млн. сум. "Берлек" җәмгыяте 986 мең сумлык ашлама алган, "Кызылъяр" - 794, "Николашкино" - 669, "Хаҗиев" КФХ - 464, "Исламгалиевлар" КФХ - 430 мең сумлык. Кечерәк хуҗалык булса да, терлек тыгызлыгы күрсәткече буенча районда иң югары күрсәткечкә ия "Берёзовские зори" җәмгыяте дә зур бюджет ярдәме алган - 608 мең сум.