Редакция авылларга чыгып абунә оештыра
«Баулы - информ» редакциясенең абунә менеджеры Гөлнара Нәбиуллина якын- тирә авылларда узган бәйрәм чаралары вакытында район газетасына яздыруны оештыра.
Бу юлы Исергәп авылында концерт барышында авыл халкын "Хезмәткә дан" яки рус телендә чыгып килүче "Слава труду" газетасына язылырга өндәде.
Район газетасына кемдер почта аша, кемдер редакциягә килеп тә язылырга өлгергән. Концертка килүчеләр арасында да язылучылар булды.
-Без үскән вакытта район газетасын әти- әниләр ала иде. Район газетасы күңелгә якын, - ди Лилия Талипова. - Быел үзем язылдым. Газета почта аша өй адресына килсә күңелле.
-Без илле елга якын район газетасын яздырабыз. Өйгә газета- журналлар килмәсә күңелсез, -ди Сырдарья Шәмсуарова. - Мин шулай ук һәрвакыт яңа чыккан китапларны да редакциядән алып укыйм. Шундый китапларны оныкларыма да бүләк итәм. Үземә китап бүләк иткәннәрен дә яратам. Район газетасын гаиләбез белән укыйбыз.
Следите за самым важным и интересным в Telegram-каналеТатмедиа
Нет комментариев