Баулы районында җирлек башлыкларының отчет җыелышлары уза

Исергәп авыл җирлеге үзенчәлекле дип әйтергә мөмкин. Анда отчет җыелышының кыска булуы һәм сораулар бирмәүләре белән рекорд куйдылар. Җыелышка район хезмәтләренең барысы да килде, әмма аларга беркем дә сорау бирмәде. Авылда урам уты, су, юллар, язгы ташуга әзерлек, җир кишәрлекләре рәсмиләштерү белән проблемалар юк күрәсең. Исергәплеләр өчен сөенергә генә кала.