Бавлы-информ
  • Рус Тат
  • Суганның кыягын өзеп алырга ярыймы?

    Яшел кыякта витаминнар күп булса да, аны өзеп торсаң, суган уңышы начар булыр.

    Башлы суганның кыяклары – органик матдәләр ясала торган фабрика ул. Аларны өзеп ашап торсаң, уңыш начарланачак.

    Кыяклар санын киметеп торсаң, суганның үсеше начарлана. Аның кыякларын үстерү өчен тырышу хәерле. Яз көне су сибәргә, төбен йомшартырга, тамырларын һава керерлек итәргә кирәк.

    Яфрак ярган вакытта азотлы ашлама, суганның башы формалашканда фосфорлы-калийлы ашлама сибегез.

    Яшел суган кыягы ашау өчен махсус сортларны үстерегез. Әлбәттә, яшел кыяклар витаминга бик бай. Махсус түтәл ясап, чәчүлек суганны бик тыгыз итеп утыртыгыз. Артык калган чәчүлек, бик зур булмаган суганнарны бер-берсенә терәп диярлек утыртып, кыяк өчен түтәл ясагыз.

    Кыяк өчен махсус сорт — лук-батун орлыгы сатыла. Аны тәрбиялисе дә юк диярлек, корылыкка да чыдам.


    Фото: yandex.ru

    Чыганак:  https://intertat.tatar/news/questions_answers/21-05-2020/suganny-kyyagyn-zep-alyrga-yaryymy-5743858

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: