Бавлы-информ
  • Рус Тат
  • Кышкы аяк киемен дөрес итеп ничек сайларга?

    Кышкы аяк киеме сайлаганда күненә дә, йонына да, замогына да игътибар итәргә кирәк.

    Сыйфатлы кышкы аяк киеме сайлау өчен киңәшләр.

    Беренче чиратта, аяк киеменең материалына игътибар итегез. Табигый күннән эшләгәнен алу хәерлерәк. Аяк киеме махсуслаштырылган кибеттән алыгыз, базардан алмаска тырышыгыз.

    Кышкы аяк киеменең йонына да карагыз. Ул да табигый булсын. Әгәр йон төкле нигездә булса, ул табигый була, әгәр нигезе тукыма булса, йон ясалма дигән сүз. Ясалма йон ялтырап тора, табигый йон исә тоныграк төсле була.

    Шулай ук аяк киеме табаны, үкчәсе һәм замогы да игътибарга лаек. Стандарт буенча, кышкы аяк киеме табаны калынлыгы 1 сантиметрдан да ким булмаска тиеш. Табан өчен иң кулай материал - полиуретан, резина, поливинилхлорид, алар су үткәрми.

    Кышкы аяк киеме каблугы киң булса, яхшы. Ул нык һәм ышанычлы булсын, пластмассадан эшләнгән үкчәлене алмау хәерле.

    Аяк кименең замогы аска кадәр төшеп җитми торган булса, яхшы. Аның эчке ягында клапаны да булу хәерле.

    Кышкы аяк киемен 1-2 үлчәмгә зурракны алыгыз, кысан аяк киемендә аяклар бик тиз туңа.

    Яхшы аяк киеме арзанлы булмый. Әгәр җитештерүче гарантия дә бирсә, бу яхшы әйбер дигән сүз.

    Фото:  pixabay.com

    Чыганак:  https://intertat.tatar/news/questions_answers/20-10-2020/kyshky-ayak-kiemen-d-res-itep-nichek-saylarga-5779594

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: